Кейинги сурани олдин ўқиш

Савол: Биров жамоатга ҳуфтонда имом бўлиб намоз ўқир экан, биринчи ракаатга Фотиҳа сурасидан кейин Масад, иккинчи ракаатга эса Фил сурасини зам сура қилиб ўқиди. Мен эса баъзи устозлардан кейин келган суранинг олдин келган сурадан илгари ўқиш жоиз эмаслигини эшитган эдим. Аллоҳ таоло устингиздан мукофотлар ёғдирсин, менга бу ҳақдаги фикрингизни билдирсангиз.   

Илмий Тадқиқотлар ва Фатво Бериш Доимий Қўмитаси жавоб беради (Фатво № 3132):

Агар иш айтилганидек бўлса, бу ишнинг зарари йўқ. Бироқ иккинчи ракаатдаги сура Қуръонда ёзилган тартибга кўра биринчи ракаатда ўқилган сурадан кейин келган бўлиши яхшироқдир.

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзолар:       Абдуллоҳ ибн Қаъуд ва Абдуллоҳ ибн Ғудайён

Сураларга ким ном қўйган?

Савол: Сураларга ким ном қўйган? Расулуллоҳ соллаллоҳу алайҳи ва саллам−ми? Нега шундай ном қўйилган?

Илмий Тадқиқотлар ва Фатво Бериш Доимий Қўмитаси жавоб беради (Фатво № 2376-2):

Биз сураларнинг барчасини номлаш ҳақида Расулуллоҳ соллаллоҳу алайҳи ва салламдан бирон насс борлигини билмаймиз. Бироқ айрим саҳиҳ ҳадисларда Бақара, Оли Имрон каби талайгина сураларни Расулуллоҳ соллаллоҳу алайҳи ва саллам номлаганлари нақл қилинган. Бундан, бошқа сураларни саҳобалар тарафидан номлангани маълум бўлмоқда.

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзолар:       Абдуллоҳ ибн Қаъуд ва Абдуллоҳ ибн Ғудайён

Қуръон рақобати

Савол: Аллоҳ таоло Муҳаммад соллаллоҳу алайҳи ва салламга нозил қилингани ҳақида шубҳаланган кимсаларни нимага чақирди?

Илмий Тадқиқотлар ва Фатво Бериш Доимий Қўмитаси жавоб беради (Фатво № 6193-5):

Аллоҳ таоло уларни Қуръонча ёки унинг ўн ёки битта сурасича асар келтиришга чақирди. Улар келтира олмадилар. Аллоҳ таоло бу ҳақда шундай деди:

﴿قُلْ لَئِنِ اجْتَمَعَتِ الْإِنْسُ وَالْجِنُّ عَلَى أَنْ يَأْتُوا بِمِثْلِ هَذَا الْقُرْآنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا﴾

«Айтинг: «Қасамки, агар бор инсу жин мана шу Қуръонни ўхшашини келтириш йўлида бирлашиб, бир-бирларига ёрдамчи бўлсалар-да, унинг ўхшашини келтира олмаслар»» (Исро: 88);

﴿أَمْ يَقُولُونَ افْتَرَاهُ قُلْ فَأْتُوا بِعَشْرِ سُوَرٍ مِثْلِهِ مُفْتَرَيَاتٍ وَادْعُوا مَنِ اسْتَطَعْتُمْ مِنْ دُونِ اللَّهِ إِنْ كُنْتُمْ صَادِقِينَ﴾

«Ёки: «Уни (яъни, Қуръонни Муҳаммад соллаллоҳу алайҳи ва саллам) тўқиб чиқарган», дейдиларми? Айтинг: «У ҳолда, агар ростгўй бўлсангизлар, Аллоҳдан ўзга кучингиз етган барча бутларни (ёрдамга) чорлаб шунга ўхшаш ўнтагина «тўқилган» сура келтирингиз!»» (Ҳуд: 13);

﴿أَمْ يَقُولُونَ افْتَرَاهُ قُلْ فَأْتُوا بِسُورَةٍ مِثْلِهِ وَادْعُوا مَنِ اسْتَطَعْتُمْ مِنْ دُونِ اللَّهِ إِنْ كُنْتُمْ صَادِقِينَ﴾

«Ёки: «Уни (Муҳаммад соллаллоҳу алайҳи ва саллам) тўқиб чиқарган», дейдиларми?! Айтинг (Эй Муҳаммад соллаллоҳу алайҳи ва саллам): «У ҳолда агар ростгўй бўлсангизлар, Аллоҳдан ўзга кучингиз етган барча бутларни (ёрдамга) чорлаб шу (Қуръон)га ўхшаш биргина сура келтирингизлар!»» (Юнус: 38).

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзолар:       Абдуллоҳ ибн Қаъуд ва Абдуллоҳ ибн Ғудайён

Қуръондаги матнлар Аллоҳнинг каломими?

Савол: Ҳозирги кундаги Қуръон Каримларга ёзилган оятлар Аллоҳнинг ўз каломими ёки қўлимиздаги ёзилган оятлардан бошқача Аллоҳнинг каломи ҳам борми?

Илмий Тадқиқотлар ва Фатво Бериш Доимий Қўмитаси жавоб беради (Фатво № 9450-8):

Қўлимиздаги Қуръонда ёзилган оятлар Аллоҳнинг каломи бўлиб, уни Алоҳнинг ўзи ҳақиқатда гапирган ва Аллоҳдан Жибриил алайҳиссалом эшитиб, Муҳаммад соллаллоҳу алайҳи ва салламга олиб тушиб ўқиб берган ва ёзишга буюргандир. Саҳобалар Қуръонни ёзиб, салафлар келгуси авлодларга қўлма–қўл етказгандир.

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзо:             Абдуллоҳ ибн Ғудайён

Қуръон каломми ёки дуоми?

Савол: Қуръон каломми ёки баъзи одамлар айтишаётганидек, дуоми?

Илмий Тадқиқотлар ва Фатво Бериш Доимий Қўмитаси жавоб беради (Фатво № 7482-4):

Қуръон – Аллоҳнинг Жибриил алайҳиссалом Роббул оламийндан эшитган ва Муҳаммад соллаллоҳу алайҳи ва салламга олиб тушиб, унга тиловат қилиб берган каломи бўлиб, дуоларни ҳам ўз ичига олгандир:

﴿رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ﴾

«Парвардигоро, бизни ҳидоят қилганингдан кейин — энди дилларимизни ҳақ йўлдан оғдирма ва бизга Ўз ҳузурингдан раҳмат ато эт! Албатта Сенгина барча яхшиликларни ато этгувчисан!» (Оли Имрон: 8). Мазкур дуо Қуръон оятларидан биридир.

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзо:             Абдуллоҳ ибн Ғудайён

Қуръон афзалми ёки Ийсоми?

Савол: Баъзи уламоларнинг: Қуръон афзалми ёки Ийсо ибн Марямми?,– деганларини эшитиб қолдим. (Уларнинг қайси бирлари афзал?).

Илмий Тадқиқотлар ва Фатво Бериш Доимий Қўмитаси жавоб беради (Фатво № 6793-3):

Қуръон Аллоҳнинг каломи бўлиб, махлуқ эмасдир. Ийсо алайҳиссалом эса Имрон қизи Марям туққан махлуқдир. Бундан кўриниб турибдики, Қуръон афзалдир.

Тавфиқ Аллоҳдандир. Аллоҳ пайғамбаримиз Муҳаммад ибн Абдуллоҳга, Унинг оиласи ва саҳобаларига салавоту саломлар йўлласин.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзолар:       Абдуллоҳ ибн Қаъуд ва Абдуллоҳ ибн Ғудайён

Пешин вақти киргунича ғусл қилиши фарз эмас

Савол: Биров рамазон ойи наҳорида бомдод намозидан сўнгра ухлаб эҳтилом бўлса, орада намоз ўқилиши учун кўп вақт бўлишига қарамай ўрнидан туриб, ғусл қилиб танасини роҳатлатиши керакми? Аллоҳ сизларни ўз паноҳида асраб, устингиздан савоблар ёғдирсин, саволимга жавоб беришингизни илтимос қиламан.

Илмий Тадқиқотлар ва Фатво Бериш Доимий Қўмитаси жавоб беради (Фатво № 13466 — 2):

Эҳтилом бўлган одамнинг бомдод намозидан кейин, пешин намозининг вақти киришидан илгари ғусл қилиши фарз эмасдир.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Ғуслдан илгари сийиш керакми?

Савол: Дўстларимдан бири мусулмон одам рафиқаси билан жинсий алоқа қилгач ғусл қилишдан илгари сийиши кераклиги, акси тақдирда жунублик ҳолида қолиши ҳақида гапириб қолди. Чунки, маний (сперматозоид) суюқлиги олат каналида қолиб, уни сийдикгина тозалар эмиш. Сиз жанобларнинг бу ҳақидаги фикрингиз қандай?

Илмий Тадқиқотлар ва Фатво Бериш Доимий Қўмитаси жавоб беради (Фатво № 2550):

Сиймаса ҳам қилган ғусли раводир. Ундан сўнгра сийса ва олатидан лаззатсиз манийнинг ёлғиз ўзи ёки сийдик билан бирга чиқса, иккинчи ғуслни қилиш фарз эмас. Бундай пайтда истинжо қилиб, машруъ таҳоратни олиш кифоядир.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Аъзолар:       Абдуллоҳ ибн Қаъуд ва Абдуллоҳ ибн Ғудайён

Жунуб одам таҳорат қилмай ухлаши мумкинми?

Савол: Жунуб бўлган одамнинг таҳорат қилишдан илгари ухлаши жоизми?

Илмий Тадқиқотлар ва Фатво Бериш Доимий Қўмитаси жавоб беради (Фатво № 9345 — 5):

Жунуб бўлган одам таҳорат қилишдан илгари ухласа гуноҳкор бўлмасада, таҳорат қилганидан сўнгра ухлаши афзалдир. Чунки, Расулуллоҳ соллаллоҳу алайҳи ва саллам шундай қилар ва таҳорат олишга буюрар эдилар.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аёлнинг таносил аъзосидан суюқлик оқди…

Савол: Жимоъ қилмаган ва эҳтилом бўлмаган жувоннинг таносил аъзосидан суюқлик келса, ғусл қилиши керакми? Жувон ҳам ўзидан келаётган суюқликларда эркакдан келадиган маний (сперматозоид), мазий (жинсий ўйлар асносида келадиган шаффоф шилимшиқ суюқлик) ва вадий (сийдикдан сўнгра келадиган қуюқ суюқлик)ларда муштаракми? Ёки аёл кишининг таносил аъзосидан келган суюқлик фарқли бўлиб, ҳар келганида ғусл қилиш фарз бўладими?

Илмий Тадқиқотлар ва Фатво Бериш Доимий Қўмитаси жавоб беради (Фатво № 19896 — 12):

Агар аёлнинг таносил аъзосидан жимо ва эҳтиломсиз лаззат билан суюқлик келса, ғусл қилиш фарз бўлади. Агар мазий келса таносил аъзосини ювиши шарт. Агар вадий келса унинг ҳукми сийдик ҳукмида бўлиб, ювиш керак бўлади.

Аёлнинг таносил аъзосидан келадиган суюқлик тури, эркакнинг таносил аъзоларидан келадиган суюқлик тури кабидир.

Аёл киши намоз ва бошқа ибодатлар учун покликка тааллуқли нарсаларни қилмоқчи бўлса, таҳорат олиши фарздир.

 

Илмий Тадқиқотлар ва Фатво Бериш Доимий Қўмитаси:

Раис:              Абдулазиз ибн Абдуллоҳ ибн Боз

Раис ноиби:  Абдурраззоқ Афифий

Аъзо:             Абдуллоҳ ибн Ғудайён

Қуръон ва суннат соясидаги ҳаёт сари!